Premier League waxa ka soo ciyaaray qaar ka mid ah xiddigaha ugu fiican qaarada Africa.
Waxaana jira goolal aan la soo koobi karin oo laga dhaliyay horyaalka Ingiriiska oo ay dhaliyeen xiddigaha ugu waaweyn Afrika.
Laga soo bilaabo Mohamed Salah ilaa Didier Drogba iyo Yaya Toure, waxaanu soo aragnay ciyaartoy cajiib ah oo ku soo baxay horyaalka.
Hadaba waxa aan halkan ku soo bandhigi doonaa xiddigaha ka soo jeeda Africa ee dhaliyay goolasha ugu badan.
Mohamed Salah (186 gool, 301 kulan)
Xiddiga kooxda Liverpool Salah waa cayaaryahanka Afrikaan ah ee ugu goolasha badan taariikhda horyaalka Premier League.
Sadio Mane (111 gool, 263 kulan)
Salah saaxiibkiisii hore ee Liverpool, Mane, ayaa sidoo kale liiskan ku jira ka dib sannado badan oo uu hurdo la’aan ku riday daafacyada.
Didier Drogba (104 gool, 254 kulan)
Markii ay ahayd maalintii Drogba, ma jirin wax difaac ah oo Premier League ah oo wax ka qaban karayay.
Xiddigau waxa uu ahaa weeraryahan heersare ah, ka dib markii uu Chelsea kaga soo biiray Marseille 2004tii, waxa uu ka caawiyay Blues in ay ku guulaysato saddex koob oo Premier League ah intii uu ku sugnaa kooxda.
Emmanuel Adebayor (97 gool, 241 kulan)
Adebayor ayaa ku jira kaalinta 4-aad kadib markii uu u soo ciyaaray kooxaha Man City, Arsenal iyo Tottenham.
Yakubu Aiyegbeni (95 gool, 252 kulan):
Kaliya Yakubu u dhiib kubada waxana uu dhalinayaa goolal waxa ay ahayd heesta ay Everton u qaadayeen markii uu joogay kooxda.
Riyad Mahrez (82 gool, 284 kulan)
Mahrez oo ku guuleystay saddexley ayaa sidoo kale ka mid ah gooldhaliyeyaasha ugu sarreeya Afrika ka dib xirfad cajiib ah, isagoo u dhaliyay 82 gool Leicester iyo Man City.
Pierre-Emerick Aubameyang (69 gool, 143 kulan)
Marka aan ka fikirno Aubameyang, waxaa laga yaabaa inaan xasuusanno Mikel Arteta inuu ka tuuray Arsenal iyo dhibaatadii Chelsea laakiin intaas ka hor waxa uu ahaa mid halis ah.
Wilfried Zaha (68 gool, 305 kulan)
Yaya Toure (62 gool, 230 kulan)
Nwankwo Kanu (54 gool, 273 kulan).
