Kurt Zouma Oo Chelsea Ka Caawin Kara Saxiixa Daafac Aad Loo Qiimeeyo.

Kooxda ku guuleysatay Champions League ee Chelsea ayaa lagu soo waramayaa inay ka fiirsaneyso heshiis isdhaafsi ah oo keeni kara in Kurt Zouma uu ka tago kooxda iyadoo lagu badalayo Xiddiga kooxda Roma Gianluca Mancini.

Blues ayaa dooneysa inay xoojiso kooxdeeda xagaagan, iyagoo doonaya inay u tartamaan hanashada horyaalka Premier League, daafac dhexe ayaana ah hal boos oo ay isha ku hayaan.

Dhanka kale, Roma ayaa rajeyneysa inay dhaqaale ka soo uruuriso iibinta Xiddigaha kooxda, Mancini ayaana ah xiddig la filayo in ay iska iibiso suuqa xagaagan.

Sida laga soo xigtay Il Romanista, Chelsea ayaa xiiseyneysa saxiixa 25 jirkaan, kaasoo seddex sano uga hartay Heshiiskiisa haatan ee kooxda.

Roma ayaa ku qiimeysa Mancini aduun dhan 27 milyan oo euro inkastoo agaasimaha Blues Marina Granovskaia uu rajeynayo inay kula soo wareegaan daafacan qiimo intaas ka yar, xitaa wuxuu diyaar u yahay inuu kala xaajoodo heshiis is dhaafsi xiddig kale ah.

Waxa intaas sii dheer in Zouma yahay xiddiga la fahamsanyahay in uu ka qayb noqon doono heshiiska Mancini iyo waliba sidoo kale lacag kaash ah


Source: laacibfm

SHARE