Robert Lewandowski Mise Erling Haaland? Chelsea Oo Talaabo Weyn U Qaaday Xiddig Lala Xidhiidhinayo.

Kooxda chelsea ayaa lagu soo waramayaa in ay wadahadalo la qaadatay wakiilka Robert Lewandowski si ay ugu dhaqaaqdo xagaaga xilli Thomas Tuchel uu kor u qaaday raadinta weeraryahan cusub xagaagan.

Kooxda ku guuleysatay Champions League ayaa si aad ah u rajeyneysa inay cusboonaysiiso weerarka kooxda iyaga oo isku diyaarinaya in ay ku tartamaan ku guulaysiga horyaalka premier League yadoo Timo Werner uu xilli ciyaareed niyad jab leh ku qaatay xilli ciyaareedkiisii ​​ugu horreeyay premier League.

Tuchel ayaa si cad u sheegay in uuna Tammy Abraham mustaqbal ku lahayn Stamford Bridge iyada oo uu xiddiga 23 jirka ah xiiso ka helayo Arsenal halka uu Olivier Giroud haatanba ka tagay kooxda.

Chelsea ayaa aad loola xidhiidhinayay saxiixa xiddiga weerarka uga ciyaara kooxda Borussia Dortmund ee Erling Haaland laakiin Borussia Dortmund ayaa dalbanaysa lacag waali ah oo kor u dhaafaysa 150 milyan oo euro.

Kooxda Chelsea ayaa haatan dareenkooda u jeediyay saxiixa xiddiga kooxda Bayern Munich ee Robert Lewandowski kaas oo uu shaki ku jiro mustaqbalkiisa kooxda ku guulaystay Bundesliga.

Sida laga soo xigtay wargayska Sport Bild, Chelsea ayaa haatanba wadahadalo la qaadatay wakiilka Robert Lewandowski ee Pini Zahavi si ay ugala hadlaan saxiixa xiddiga 32 jirka ah.

Sii Akhriso: Calaamadaha Aad Ku Ogaan Kartid In Aad Jeceshahay Qof Aan Ku Jeclayn


Source: laacibfm

SHARE