Barcelona, ​​iyo AC Milan oo ku loolamaya Bernardo Silva

Barcelona iyo AC Milan ayaa lagu soo waramayaa inay weli xiiseynayaan saxiixa Manchester City ee Bernardo Silva.

Pep Guardiola ayaa qiray horaantii bishaan in xiddiga reer Portugal uu u furan yahay inuu ka tago Etihad Stadium ka hor dhamaadka bisha.

Si kastaba ha ahaatee, kubadsameeyaha oo aan xiiseyneynin inuu u wareego kooxaha Arsenal ama Tottenham Hotspur, helitaanka koox bixin karta qiimaha uu dalbanayo ayaa ah wax adag.

Sida laga soo xigtay Daily Star , Barcelona iyo AC Milan ayaa weli rajeynaya in ay City kala xaajoodaan siddeedda maalmood ee soo socota.

In kasta oo ay Barcelona qasab ku tahay inay iibiso ka hor inta aysan ka fikirin imaanshiyaha Silva, Milan waxay u muuqan kartaa inay tahay mid hal abuur leh si ay ugu guuleysato loolanka saxiixa 27 jirka.

Warbixinta ayaa sheegeysa in kooxda kaalinta labaad ka gashay horyaalka Serie A ay dooneyso inay ogolaato heshiis amaah labo sanno ah oo qiimihiisu yahay 15 milyan ginni ka hor inta aysan City siin 30 milyan oo ginni sannadka 2023.

Fadlan Tuko Salaada Hadii la Gaaray Waqtigeeda

Fadlan Salaada Tuko Hadii la gaaray


Source: laacibfm

SHARE