Barca Oo Dooneysa Xiddig Uu Nacay Mourinho Iyo TOBANKA War Ee Ugu Waa Weyn Suuqa Kala Iibsiga Maanta Oo Khamiis Ah

Advertisements

Inkastoo xilli ciyaareedka kubada cagta Yurub uu hakad ku jiro, taasi lama micno ahan in wararka xanta suuqa kala iibsiga ay joogsanayaan.

Shabakada Laacib waxay idiin soo gudbineysaa 10ka war ee ugu waa weyn suuqa kala iibsiga Maanta Oo Khamiis ah.

Barcelona oo u laabatay Ndombele

Sida ay sheegeyso jariirada Mundo Deportivo, Barcelona ayaa dooneysa inay la soo wareegto xiddig cusub oo khadka dhexe ah si ay ugu buuxiso boosaska ay baneynayaan Arturo Vidal iyo Ivan Rakitic. Xiddiga diirada u saaran waa Tanguy Ndombele kaasoo u muuqda inay isku dhaceen tababaraha Tottenham Jose Mourinho.

Dalabka Inter ee Giroud

Wargeyska TuttoSport ayaa ku waramaya in Inter Milan ay u soo bandhigtay Olivier Giroud heshiis seddex sannadood ah oo uu ugu wareegayo San Siro. 33 jirkaan weerarka ka ciyaara oo haatan la jooga Chelsea ayaa sidoo kale dalab qandaraas kordhin hal sanno ah ka heysta Blues.

Arsenal oo dheereyneysa mudada uu la joogay Ceballos.

Sida ay sheegtay jariirada London Evening Standard, wadahadalo ayaa u dhaxeeya Arsenal iyo Real Madrid oo ku saabsan sidii xilli ciyaareed kale loogu kordhin lahaa heshiiska amaahda ee uu Dani Ceballos ku joogo Emirates Stadium.

Juventus oo u dhaqaaqeysa Emerson

Juventus oo baadigoob ugu jirta daafac bidix ayaa diyaar u ah inay 30 milyan euro kula soo wareegto xiddiga Chelsea Emerson Palmieri sida ay sheegtay Calciomercato. Si kastaba, weli ma aysan bilaabanin wadahadalada labada kooxood.

Boca Juniors oo cusbooneysiineysa qandaraaska Tevez

Qandaraaska Carlos Tevez ee Boca Juniors ayaa dhacaya bisha Juun iyadoo kooxda reer Argentina ay dooneyso inay u dheereyso. Sida ay sheegtay CNN Deportes, Boca ayaa heshiis cusub oo hal sanno ah u bandhigeysa weeraryahanka taasoo la micno ah in mushaharkiisana hoos loo dhigayo.

Cucurella oo diirada u saaran Chelsea

Marc Cucurella iyo Nicolas Tagliagfico ayaa ah labada daafac bidix ee ku jira liiska xiddigaha uu doonayo Frank Lampard sida ay qortay jariirada Daily Express. Getafe ayaa dhawaan si joogta ah kula wareegtay Cucurella oo ay ka bixiyeen lix milyan euro, waxaa sidoo kale xiiseyneysa FC Porto.

Callejon oo raacaya Reina

Wargeyska Birmingham Mail ayaa ku waramaya in Aston Villa ay xiiseyneyso inay Napoli kala soo wareegto Jose Callejon. Qandaraaska xiddiga garabka ka ciyaara ee Napoli ayaa dhacaya bisha Juun, waxaana uu Pepe Reina kula midoobi karaa garoonka Villa Park.

United oo ku dhow saxiixa Sancho

Sida ay sheegtay jariirada Independent, Manchester United ayaa hogaamineysa tartanka loogu jiro saxiixa Jadon Sancho, waxayna diyaar u yihiin inay 120 milyan euro kula soo wareegaan 20 jirkaan.

Advertisements

Tottenham oo ay ku adag tahay inay hesho Eze

Eberechi Eze ayaa ka mid ah xiddigaha diirada u saaran Tottenham xagaagan laakiin sida ay sheegtay Daily Express diyaar uma ahan inay bixiyaan 20ka milyan euro ee ay QPR duldhigtay 21 jirkaan.

Alaba oo ku ciyaaraya heshiiska Leroy Sane

Sida ay sheegtay jariirada Jarmalka ee Bild, Bayern Munich ayaa dooneysa inay David Alaba ka qeyb dhigto heshiiska ay Manchester City kala soo wareegayaan Leroy Sane. Si kastaba daafaca bidix ayaan dooneynin inuu u wareego Premier League isagoo ka doorbidaya inuu ku biiro kooxaha Spain.

Comments are closed.

Source: laacibfm

WARARKII