Manchester United ayaa lagu soo waramayaa inay hogaaminayso tartanka loogu jiro saxiixa Neymar sida ay sheegayaan wararku.
31 jirkaan ayaa Parisians kaga soo biiray Barcelona bishii August sanadkii 2017 waxana uu kooxda kula guulaystay 4 horyaal 5-tii sano ee uu joogay kooxda reer France.
Inkastoo Neymar uusan u ciyaarin PSG tan iyo bishii February sababo la xiriira dhaawac canqowga ah, wiilasha Christophe Galtier ayaa dhibic kaliya u jira inay sii xajistaan horyaalkooda Ligue 1, waxayna kalsooni ku qabaan inay xaqiijiyaan inay kaalinta koowaad.
Sida laga soo xigtay The Mirror, Manchester United ayaa wadahadalo horumar leh kula jirta Neymar si ay u helaan saxiixa xiddiga iyada oo xiddiga ay isku xulka yihiin ee Casemiro isku dayayo in uu ku qanciyo in uu ku biiro Old Trafford.
Waxaa la rumeysan yahay in dhowr kooxood oo premier League ah ay sidoo kale xiiso u qabaan saxiixa xiddiga kana mid yihiin Newcastle iyo chelsea.
Laakiin kooxda Erik Ten Hag ayaa horumar ka samaysay si ay u dhamaystirto saxiixa xiddiga reer Brazil ka hor furitaanka suuqa xagagaa.
Related